<div dir="ltr"><div class="gmail_default" style="font-size:large">A\u016dskultante perradie koncerton el Lieksan Vaskiviikko (Festivalo de latuna muziko en Lieksa) mi surprizi\u011dis a\u016ddi prezentadon de orkestro kun la Esperanta nomo Kolizio. La anoncistino menciis, ke temas pri vorto el Esperanto, sed \u015di misprononcis \u011din kiel &quot;koliitsio&quot;. Kolizio estis fondita en 2017 de ses ludistoj de latunaj blovinstrumentoj kun la tubjisto Petri Keskitalo kiel gvidanto kaj \u0109efa inspiranto. Kolizio kunigas klasikan muzikon kaj \u0135azon. Pasintjare \u011di aperigis sian unuan albumon, sed Keskitalo mortis iom anta\u016d tio. E\u0109 la albumo havas Esperantan nomon, &quot;Universala albumo&quot;. Mi ne scias, kies ideo estis doni al la orkestro nomon en Esperanto, sed pro la \u0109efa rolo de Petri Keskitalo en la grupo oni povus supozi, ke &quot;kulpas&quot; \u011duste li. \u015cajne la albumo ne aperis kiel kompakta disko sed estas nur ciferece el\u015dutebla. Jen la adreso:<br><a href="https://alba.fi/tuote/abcd-532-universala-albumo-digilataus/">https://alba.fi/tuote/abcd-532-universala-albumo-digilataus/</a><br></div><div class="gmail_default" style="font-size:large"><br></div><div class="gmail_default" style="font-size:large">Osmo Buller</div></div>